ЕС рыхтуе новыя санкцыі супраць РФ да трэцяй гадавіны ўварвання
Гэта будзе ўжо 16-ы пакет санкцый.
23.12.2024 / 09:23
Фота: AP
Еўрасаюз плануе ўвесці новы пакет санкцый супраць Расіі да трэцяй гадавіны пачатку вайны РФ супраць Украіны ў лютым 2025 года. Падрыхтоўчая праца над ім ужо пачалася, піша Deutsche Welle.
Як адзначылі дыпламаты ЕС, меры накіраваны на тое, каб «паслаць ясны сігнал Маскве». У рамках пакета прадугледжаны штрафныя меры супраць канкрэтных сектараў расійскай эканомікі, «якія дагэтуль не закраналіся альбо закраналіся недастаткова».
Акрамя таго, у новы пакет увойдуць дадатковыя санкцыі супраць фізічных асоб і арганізацый, якія лічацца «прапагандыстамі расійскага рэжыму» і адказнымі за падрыў тэрытарыяльнай цэласнасці Украіны.