Top-viadučaja ANT Rudakoŭskaja: Ja vydatna pamiataju 90-ja. Tamu budu rabić usio mahčymaje, kab pieravarot nie atrymaŭsia
Dyrektarka dyrekcyi ranišniaha viaščańnia i šmathadovaja viadučaja ANT Taćciana Rudakoŭskaja zhadała 2020 hod.
23.12.2024 / 18:34
Taćciana Rudakoŭskaja. Fota: jaje instahram
«Niejak padčas sustrečy z moładździu adna sa studentak žurfaka spytała, čamu ŭ 2020 hodzie, kali mnohija žurnalisty zvalnialisia z ANT, ja zastałasia. Dyk voś, paŭtaru: navat kali ŭsio budzie hareć, jak kapitan maleńkaha karabla, dyrektar dyrekcyi, ja svajo sudna nie pakinu. Tak, mnie było niaprosta padpisvać zajavy supracoŭnikaŭ, jakija zvalnialisia. Z kožnym ź ich ja sprabavała pahavaryć. U 2020-m destruktyŭnyja resursy znajšli bolevuju kropku: maładoje pakaleńnie, jakoje vyrasła ŭ syty čas, jakoje nie viedaje i nie bačyła, što takoje drenna.
A ja vydatna pamiataju 1990-ja, raspad Savieckaha Sajuza. Čas, kali prychodziš u kramu, a tam ničoha niama. Staiš, čakaješ chleba, jaki raźbirajuć jašče haračym. Zachodziš va ŭniviermah — pustyja palicy. Nie chaču viarnucca ŭ tyja hady. Tamu budu rabić usio mahčymaje, kab u tych, chto sprabavaŭ ździejśnić pieravarot, ničoha nie atrymałasia, budu stajać na infarmacyjnaj pieradavoj.
Hetamu vuču i syna, i studentaŭ. Mieć svaju hałavu na plačach, čytać kłasičnuju litaraturu, vyvučać roznyja krynicy», — padzialiłasia Rudakoŭskaja ŭ intervju «SB. Biełaruś siehodnia».
«Łukašenka — jasnavidziec!» Što za sieryjał idzie na STB
Prapahandysty pračytali novuju lekcyju za Łukašenku pad nazvaj «Dyktat? Ura!»
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta