Забарону на ўвоз прадукцыі Škoda, Nivea і Liqui Moly падоўжылі да канца 2025 года
Урад падоўжыў забарону на ўвоз тавараў шэрагу еўрапейскіх дзяржаў сваёй пастановай, пра гэта гаворыцца ў дакуменце, размешчаным на Нацыянальным прававым партале.
24.12.2024 / 08:13
«Падоўжыць да 31 снежня 2025 года ўключна дзеянне пунктаў 2 і 4 пастановы Савета Міністраў Рэспублікі Беларусь ад 23 красавіка 2021 года № 240», — адзначана ў пастанове.
Урад на пачатку 2021 года прыняў рашэнне ўвесці забарону на ўвоз прадукцыі некаторых заходніх кампаній. Афіцыйны Мінск патлумачыў гэта як адказ на недружалюбныя дзеянні ў адносінах да рэспублікі з боку Захаду, а таксама як абарону нацыянальных інтарэсаў.
Першапачаткова забарона павінна была дзейнічаць да 4 лістапада 2021 года, аднак урад пастаянна падаўжае яе дзеянне.