Aficyjanta vyklikali na zbory ŭ bryhadu śpiecnaza, ale jon nie pajšoŭ, bo treba płacić kredyt
Ciapier na 33-hadovaha chłopca zaviali kryminałku za ŭchileńnie ad jaŭki.
25.12.2024 / 14:47
Maślenica ŭ v/č 3214
Sud Partyzanskaha rajona Minska razhledzić kryminalnuju spravu ŭ dačynieńni 33-hadovaha chłopca, jakoha abvinavačvajuć va ŭchileńni ad jaŭki na vajennyja zbory.
Jak paviedamlaje prakuratura Partyzanskaha rajona, jon byŭ pavinien źjavicca na dziesiacidzionnyja zbory ŭ v/č 3214. Adnak chłopiec vyrašyŭ nie iści.
Jon padpracoŭvaŭ aficyjantam, kab apłačvać kredyt, tamu zbory nie ŭvachodzili ŭ jaho płany. Napiaredadni pryznačanaha dnia chłopiec źviarnuŭsia da miedykaŭ pa balničny sa skarhami na atručvańnie, ale jamu nie pavieryli.
Pakolki na zbory jon tak i nie źjaviŭsia, zaviali kryminalnuju spravu. Minčuka pakinuli doma pad padpiskaj ab niavyjeździe.