Maskvičy paprasili Pucina pieranieści budaŭnictva haściavoha kompleksu dla pasolstva Biełarusi
Žychary Maskvy, jakija žyvuć pobač ź Bitcaŭskim lesam i siadzibaj Vuzkaje, źviarnulisia da Uładzimira Pucina, pratestujučy suprać płanaŭ budaŭnictva ŭ hetaj miascovaści haściavoha kompleksu pasolstva Biełarusi ŭ byłoj achoŭnaj zonie, piša Astra.
25.12.2024 / 23:20
Skrynšot ź videa zvarotu
«My vymušanyja źviarnucca da vas, bo miascovyja orhany ŭłady nie reahujuć na našy zvaroty i arhumienty adnosna zachavańnia pryrody. […] Ułady Maskvy ŭžo niekalki hadoŭ źniščajuć pa ŭsioj Maskvie lasnyja masivy», — havorać miascovyja žychary ŭ svaim zvarocie.
Jany patrabujuć viarnuć ziamli status pryrodnaj terytoryi pad asablivaj achovaj, uvieści maratoryj na vyvad zon z hetaha statusu pa ŭsioj Maskvie, a taksama pieranieści budaŭnictva haściavoha kompleksu.
Płan budaŭnictva haściavoha kompleksu dla absłuhoŭvańnia aficyjnych delehacyj Biełarusi ŭ Rasii byŭ ahučany jašče ŭ 2013 hodzie.
Tady namieśnik ministra zamiežnych spraŭ Biełarusi Alaksandr Hurjanaŭ na pasiadžeńni Pałaty pradstaŭnikoŭ pradstaviŭ zakonaprajekt ab ratyfikacyi mižuradavaha pahadnieńnia, zhodna ź jakim Biełarusi davaŭsia ŭ arendu ziamielny ŭčastak u rajonie Jasienieva na paŭdniovym zachadzie Maskvy. Płošča ŭčastka skłała 5,8 ha, i, jak adznačaŭ Hurjanaŭ, na toj momant jon znachodziŭsia na pryrodnaj terytoryi pad asablivaj achovaj.
Zhodna z pahadnieńniem, učastak budzie zdadzieny ŭ arendu na 99 hadoŭ. Štohadovaja arendnaja płata paśla ŭvodu haściavoha kompleksu ŭ ekspłuatacyju składzie adzin rasijski rubiel.
Pres-sakratar pasolstva Biełarusi ŭ Rasii: U Maskvie palujuć na chleb «Naračanski»
Sud u Maskvie nad Suzdalcavym za paklop na Łukašenku zrabili zakrytym
Siłaviki zatrymali aktyvista biełaruskaj dyjaspary Maskvy — jon pisaŭ listy palitviaźniam