У Вілейцы з'явіўся ліхтар, якому трэба ціснуць руку, а ў адказ ён здыме капялюш і запаліць святло
24 снежня ў гарадскім парку Вілейкі ўключылі новае дадатковае асвятленне адной з алеяў, запрацавала падсветка абноўленай лесвіцы, якая вядзе ў ніжні парк, а таксама ветлівы ліхтар каля гасцініцы.
26.12.2024 / 08:43
Такі падарунак атрымалі жыхары горада напярэдадні Новага года, піша Kraj.by.
На адной з рук ліхтара ўсталяваны спецыяльны датчык, які счытвае дакрананне і запускае яго ў працу.
Ахвотных прывітацца з ветлівай славутасцю за руку і пабачыць, як у якасці вітання ліхтар здымае капялюш, знайшлося нямала. Асабліва гэтая ідэя спадабалася дзецям.