U Hrodzienskaj i Bresckaj abłaściach źmianiajucca praviły pierasiačeńnia miažy z krainami ES
Z prychodam studzienia źmianiajecca praviła pry vyjeździe za miažu.
26.12.2024 / 15:22
Ilustracyjnaje fota Tochka.by
«Z 1 studzienia 2025 hoda pierasiačeńnie transpartnymi srodkami dziaržaŭnaj miažy Respubliki Biełaruś u punktach propusku na terytoryi Hrodzienskaj vobłaści časova budzie ažyćciaŭlacca biez vypłaty miascovaha zboru», paviedamiŭ Hrodzienski abłvykankam.
Brescki abłvykankam udakładniŭ termin, padčas jakoha nie buduć spahaniać zbor: «Z 1 da 31 studzienia 2025 hoda vobłaści časova spyniajecca spahnańnie miascovaha zboru za pierasiačeńnie miažy».
Zbor dziejničaŭ apošnija dva hady. Jaho pamier — adna bazavaja (40 rubloŭ siońnia).
Adnak čynoŭniki papiaredzili, što miera tolki časovaja. Užo ŭ I kvartale 2025-ha miascovy zbor znoŭ viernuć. Kali heta zdarycca, stanie viadoma paźniej.