Pucin nazvaŭ Słavakiju mahčymaj placoŭkaj dla mirnych pieramoŭ
Adkazvajučy na pytańni paśla zaviaršeńnia samitu Vyšejšaj Jeŭrazijskaj ekanamičnaj rady, prezident Rasii Uładzimir Pucin zajaviŭ, što jon nie suprać taho, kab placoŭkaj dla mirnych pieramoŭ pamiž Rasijaj i Ukrainaj była Słavakija.
26.12.2024 / 20:12
Premjer-ministr Słavakii Robiert Fica z Uładzimiram Pucinym u Maskvie 22 śniežnia 2024 hoda. Fota: Gavriil Grigorov, Sputnik, Kremlin Pool Photo via AP
22 śniežnia ŭ Maskvu prylataŭ i sustrakaŭsia z Pucinym premjer-ministr Słavakii Robiert Fica, jaki razam z premjeram Vienhryi Viktaram Orbanam ličycca adnym z najbolš pryjaznych adnosna Rasii kiraŭnikoŭ dziaržaŭ Jeŭrasajuza. Treba dumać, akurat hetaje pytańnie abmiarkoŭvałasia padčas toj sustrečy.
Fica staŭ tolki trecim lidaram adnoj z krain ES, jaki sustrakaŭsia z Pucinym paśla pačatku maštabnaha ŭvarvańnia va Ukrainu ŭ 2022 hodzie. Jahonaja pajezdka była rezka raskrytykavanaja prezidentam Ukrainy Uładzimiram Zialenskim:
«Čamu hety lidar nastolki zaležny ad Maskvy? Čym jamu płaciać i čym jon raspłačvajecca?» — zadaŭ rytaryčnaje pytańnie Zialenski, adznačyŭšy, što dziejańni Ficy mohuć pastavić pad pahrozu biaśpieku nie tolki Słavakii, ale i ŭsioj Jeŭropy.
Zialenski rezka raskrytykavaŭ pajezdku premjera Słavakii da Pucina
Pucin sustreŭsia z premjeram Słavakii Robiertam Fica
Prezident Sierbii anansavaŭ pajezdku da Pucina premjera Słavakii
Prezident Słavakii Pielehryni: Ukrainie pryjdziecca stracić niekatoryja terytoryi dziela miru