U Minsku pabudujuć damy ź vidam na BT
Dla kaho tam buduć kvatery, pakul nieviadoma.
27.12.2024 / 11:18
Zabudova na Makajonka. Fota: «Minsk-Naviny»
Na pustcy la budynkaŭ Biełteleradyjokampanii na vulicy Makajonka ŭ Minsku stajać budaŭničyja vahončyki i technika. Na tym učastku pabudujuć žyłyja damy. Padradčyk, UKB Zavodskaha rajona, u lutym pačaŭ znos budynkaŭ i zbudavańniaŭ, vynas inžyniernych sietak.
— Na ŭčastku praduhledžana budaŭnictva dvuch šmatkvaternych 16-paviarchovych damoŭ. Pieršy — dvuchsiekcyjny na 191 kvateru, druhi — adnasiekcyjny na 95 kvater.
Taksama ŭ pierśpiektyvie źjaviacca dźvie šmatuzroŭnievyja aŭtastajanki adkrytaha typu na 157 i 107 mašyna-miescaŭ, — raskazali ŭ administracyi Pieršamajskaha rajona ahienctvu «Minsk-Naviny».
Katehoryi hramadzian, jakija ŭdzielničajuć u dolevym budaŭnictvie hetaha abjekta, Minharvykankam vyznačyć paśla pačatku pabudovy. Usie raboty buduć prachodzić u try etapy, a zaviaršyć ich płanujecca da 2028 hoda.