Na rejsach Hrodna — Minsk zamiest maršrutak źjavilisia vialikija aŭtobusy
Kitajskija aŭtobusy Zhong Tong na 53 pasažyry zamianili častku maršrutak na rejsach Hrodna — Minsk. Pieravozki ažyćciaŭlaje hrodzienskaja kampanija TAA «Mobika». U dzień ździajśniajecca da šaści rejsaŭ, a košt kvitkoŭ takaja ž, jak za maršrutku, piša Hrodna.life.
27.12.2024 / 13:36
Fota: Mižnarodnaja asacyjacyja pieravozčykaŭ
Pakul aŭtobusy na samych zahružanych rejsach vykarystoŭvajucca ekśpierymientalna.
Aŭtobusnyja rejsy Hrodna — Minsk ažyćciaŭlajucca šeść razoŭ na dzień. Samy rańni aŭtobus vyjazdžaje a 4 ranicy, nastupny — u 5 ranicy. Dalej jość aŭtobusy a 8:55, 13:00 i 14:00. Apošni aŭtobus vyjazdžaje a 15:00.
Ź Minska ŭ Hrodna pieršy aŭtobus vyjazdžaje a 9 ranicy, nastupny — a 10:00. Astatnija try aŭtobusy vyjazdžajuć viečaram: a 18:00, 19:10 i 20:00.
Košt kvitka na aŭtobus Hrodna — Minsk —35 rub., čas u šlachu składaje 3 hadziny 50 chvilin — stolki ž času zajmaje i pajezdka na maršrutcy.