Novy kiraŭnik MZS Litvy zapeŭniŭ Cichanoŭskuju ŭ padtrymcy demsił Biełarusi
Novy litoŭski ŭrad praciahnie padtrymlivać demakratyčnyja siły Biełarusi, zajaviŭ novapryznačany ministr zamiežnych spraŭ Litvy Kiastucis Budrys 27 śniežnia ŭ Vilni na sustrečy sa Śviatłanaj Cichanoŭskaj.
27.12.2024 / 16:51
Śviatłana Cichanoŭskaja i Kiastucis Budrys. Fota: pres-słužba MZS Litvy
«My zabiaśpiečym, kab biełarusy, jakija atrymali časovy prytułak u Litvie, adčuvali siabie ŭ biaśpiecy i mieli mahčymaść pracavać na karyść demakratyzacyi svajoj krainy», — cytuje svajho kiraŭnika MZS Litvy.
Pavodle słoŭ Budrysa, isnavańnie «demakratyčnaj i mirnaj» Biełarusi adpaviadaje intaresam Litvy ŭ płanie biaśpieki.
Litva, zajaviŭ ministr, «padniała pytańnie Biełarusi na pasiadžeńni Savieta pa zamiežnych spravach ES u Brusieli ŭ śniežni i ŭźnimie jaho ŭ studzieni».
«My musim hučna havaryć pra toje, što adbyvajecca ŭ Biełarusi — pra nieasłabnyja represii režymu Łukašenki suprać biełaruskaha naroda, praciahłaj padtrymcy rasijskaj vajennaj ahresii suprać Ukrainy, partniorstva z Kitajem, Iranam i Paŭnočnaj Karejaj. Pracesy, jakija adbyvajucca ŭ Biełarusi, buduć mieć nastupstvy nie tolki dla Litvy, ale i dla ŭsioj Jeŭropy i mižnarodnaj architektury biaśpieki», — ličyć kiraŭnik litoŭskaj dypłamatyi.
Kiastucis Budrys zastupiŭ na pasadu 12 śniežnia 2024 hoda, kali novy ŭrad na čale z premjer-ministram Hintaŭtasam Pałuckasam prynios prysiahu.
Siejm Litvy abraŭ śpikiera Siejma. Jakoje jahonaje staŭleńnie da Biełarusi
Urad Litvy zabaraniŭ pryjom hramadzian Biełarusi ŭ miascovaje apałčeńnie
Novy kiraŭnik MUS Litvy raskazaŭ, ci treba zakryvać reštu punktaŭ propusku na miažy ź Biełaruśsiu
Novym ministram unutranych spraŭ Litvy moža stać čałaviek, jaki vałodaje biełaruskaj movaj