U ES ustupiŭ u siłu standart pra adziny raźjom dla zaradki
U Jeŭrapiejskim sajuzie ŭstupiła ŭ siłu dyrektyva, zhodna ź jakoj usie smartfony i inšyja hadžety, jakija pastupajuć u prodaž, pavinny mieć adziny raźjom dla zaradki typu USB-C. Dyrektyva była apublikavana ŭ aficyjnym časopisie ES.
28.12.2024 / 10:01
Zhodna z novymi praviłami, raźjomam USB-C (Type-C) pavinny być abstalavany: smartfony; płanšety; ličbavyja kamiery; navušniki; harnitury; partatyŭnyja hulniavyja kansoli; partatyŭnyja kałonki; elektronnyja knihi; kłavijatury; myšy; partatyŭnyja navihatary; słuchaŭki-ŭkładyšy.
Pakul patrabavańnie nie raspaŭsiudžvajecca na noŭtbuki — dla ich jano ŭstupić u siłu 28 krasavika 2026 hoda.
Taksama vytvorcy buduć abaviazany vypuskać zaradki z adnolkavaj chutkaściu padačy enierhii. Pakupniki atrymajuć mahčymaść kuplać elektroniku jak z kabielem, tak i bieź jaho.
Bolšaść kampanij užo vypuskali hadžety sa standartam USB-C. Hetaja inicyjatyva najbolš mocna zakranuła Apple.