U Minsku adkryŭsia novy vystaŭny centr «Biełekspa»
Ź siońniašniaha dnia adkryty novy vystaŭny centr «Biełekspa» ŭ Paŭnočnym bierazie la MKAD (aficyjny adras Paŭliny Miadziołki, 24). U pieršyja dni ŭvachod biaspłatny, jość aŭtobusy z Akademii navuk i Puškinskaj kožnyja paŭhadziny, paviedamlaje telehram-kanał «Minsk i minčanin».
28.12.2024 / 15:00
Na placoŭcy razhornuta ekspazicyja «Maja Biełaruś», kanceptualna jana padobnaja da vystavy dasiahnieńniaŭ narodnaj haspadarki ŭ tyja jašče časy.
Płošča pierad budynkam addadziena bujnahabarytnaj technicy hramadzianskaha, vajennaha, sielskahaspadarčaha i inšaha pryznačeńnia. Unutry zały raźbityja pa siektarach, pryśviečanym enierhietycy, achovie zdaroŭja, mašynabudavańniu i hetak dalej. Šmat cikavych fotazon, interaktyvu, niezvyčajnych instalacyj.
Taksama jość fudkort.