У Паўднёвай Карэі пры заходзе на пасадку разбіўся пасажырскі самалёт. 179 чалавек загінулі
Пасажырскі самалёт пацярпеў крушэнне падчас пасадкі ў міжнародным аэрапорце горада Муан Паўднёвай Карэі. На борце быў 181 чалавек.
29.12.2024 / 08:26
Самалёт вылецеў за межы ўзлётна-пасадачнай паласы і ўрэзаўся ў агароджу, пасля чаго выбухнуў.
На борце авіялайнера знаходзіліся 175 пасажыраў і 6 членаў экіпажа. Папярэдне, выжылі толькі 1 пасажыр і 1 член экіпажа.
Фота: AP Photo / Ahn Young-joon
Папярэдне, прычына крушэння — сутыкненне борта з птушкамі. Яны трапілі ў рухавік, пасля чаго борт атрымаў пашкоджанні шасі, і яны не адкрыліся пры пасадцы.