Prezidentka Hruzii zaklikała prychilnikaŭ pryjści rankam abaraniać jaje ŭ rezidencyi — siońnia inaŭhuracyja novaha prezidenta
La rezidencyi Arbielijani źbirajucca hramadzianie, da jakich praź niekatory čas źvierniecca prezidentka Hruzii Sałame Zurabišvili. Jana zaklikała prychilnikaŭ pryjści da prezidenckaj rezidencyi ŭ 10 ranicy 29 śniežnia. Siońnia aficyjna — jaje apošni dzień na pasadzie.
29.12.2024 / 09:36
Prezidentka Hruzii Sałame Zurabišvili. Fota: AP Photo / Zurab Tsertsvadze
Pavodle zajavy Zurabišvili, jana nie źbirajecca pakidać pasadu, bo ličyć abranaha parłamientam prezidenta Michaiła Kaviełašvili nielehitymnym. Inaŭhuracyja Kaviełašvili pačniecca ŭ budynku parłamienta ŭ 11:00 pa tbiliskim časie (10:00 pa minskim).
28 śniežnia ŭ videazvarocie da nacyi Zurabišvili paćvierdziła namier nie addavać prezidenckaje kresła Michaiłu Kaviełašvili, jakoha abrała šostym prezidentam kalehija vybarščykaŭ kirujučaj partyi. U hetym hodzie ŭ Hruzii kiraŭnika dziaržavy ŭpieršyniu vybirali nie ahulnanarodnym hałasavańniem.
Zurabišvili zajaviła, što nie źbirajecca składać paŭnamoctvy. Jana ličyć parłamient nielehitymnym, a vybary Kaviełašvili nazvała «naśmieškaj z demakratyi».
Apazicyja vykazała hatoŭnaść fizična abaraniać Zurabišvili, a ŭ «Hruzinskaj mary» pryhrazili turmoj, kali prezidentka admovicca pakidać pasadu ci pasprabuje raspuścić parłamient.