Ź Minska zapuścili jašče adzin pramy rejs u Kitaj
Ciapier pramoje pavietranaje paviedamleńnie ŭstalavana z horadam Sijań. Nasielnictva hetaha pravincyjnaha horada značna pieravyšaje nasielnictva ŭsioj Biełarusi.
29.12.2024 / 19:46
Zapusk avijarejsa Piekin-Sijań-Minsk u Nacyjanalnym aeraporcie Minsk adbyŭsia 28 śniežnia 2024 hoda.
Ź Minska ŭ Sijań pasažyry novaha kirunku zmohuć lotać na borcie avijakampanii Air China. Pra heta paviedamili ŭ telehram-kanale Nacyjanalnaha aeraporta Minsk.
Zapusk avijarejsa Piekin-Sijań-Minsk adbyŭsia 28 śniežnia 2024 hoda. Pa hetym maršrucie buduć lotać samaloty Airbus A330-200. Rejsy buduć vykonvacca raz na tydzień pa subotach. Čas palotu ŭ adzin bok składzie 8 hadzin 20 chvilin.
Adkryćcio novaha kirunku adbyłosia pozna ŭviečary ŭ subotu, 28 śniežnia, u prysutnaści pradstaŭnikoŭ kitajskaj avijakampanii i pasolstva KNR u Biełarusi.
U siaredzinie śniežnia avijakampanija «Biełavija» pačała pramyja paloty ź Minska ŭ inšy kitajski horad — Urumčy, centr Sinczian-Ujhurskaj aŭtanomnaj akruhi.