Džo Bajden ličyć, što moh pieramahčy Donalda Trampa, kali b nie sastupiŭ miesca Charys
82-hadovy prezident ZŠA Džo Bajden ličyć, što moh pieramahčy na vybarach Donalda Trampa, i kryŭdzicca na svaju partyju i ŚMI.
30.12.2024 / 13:58
Prezident ZŠA Džo Bajden. Fota: AR
Paśla teledebataŭ z Trampam, na jakich Bajden vyhladaŭ adkryta słabym, jaho zaklikali źniać svaju kandydaturu takija hrandy Dempartyi, jak były prezident Barak Abama i kanhresmien Nensi Pełosi. Adnak i Kamała Charys, jakaja zamianiła Bajdena i vydatkavała na kampaniju 1,2 młrd dalaraŭ, nie atrymała pośpiechu, piša BILD.
Bajden pierakanany, što moh by adstajać Bieły dom dla demakrataŭ, pisała raniej Washington Post. Vidavočna, jon choča raspaŭsiudzić svaju ŭłasnuju «lehiendu pra ŭdar u śpinu» i abialić svaju palityčnuju spadčynu, — miarkuje karespandent BILD Hierbiert Baŭernebiel.
Kamanda Charys, naadvarot, u pravale abvinavačvaje Bajdena. Na ich dumku, jon pavinien byŭ značna raniej admovicca ad idei pieraabracca i tym samym dać Charys bolš času na efiektyŭnuju kampaniju.
Jak by tam ni było, Bajden pakidaje svaju pasadu niepapularnym — jaho dziejnaść uchvalaje 38% apytanych.