Ad napadu akuły ŭ Jehipcie ŭ Čyrvonym mory zahinuŭ supracoŭnik Jeŭrakamisii
Drapiežnik napaŭ na dvuch akvałanhistaŭ padčas dajvinhu ŭ Čyrvonym mory.
30.12.2024 / 14:49
Ilustracyjny zdymak. Fota: vecteezy.com
U Čyrvonym mory zahinuŭ italjanski turyst, jaki pracavaŭ u Jeŭrapiejskaj kamisii — na jaho napała akuła, pieradaje «Jeŭrapiejskaja praŭda». Zdareńnie adbyłosia ŭ Jehipcie ŭ niadzielu, 29 śniežnia.
Marski drapiežnik napaŭ na dvuch akvałanhistaŭ padčas dajvinha ŭ Čyrvonym mory. Akuła zabiła adnaho ź ich i paraniła jašče adnaho italjanskaha turysta, jaki znachodziŭsia pobač z zahinułym.
Zahinułamu Džanłuku Dy Džoi 21 śniežnia spoŭniłasia 48 hadoŭ. Jon byŭ žanaty, znachodziŭsia ŭ Jehipcie ź siamjoj u adpačynku.
Mužčyna pracavaŭ u Jeŭrapiejskaj kamisii ŭ Abjadnanym daśledčym centry (JRC) — słužbie, jakaja zajmałasia ŭ Kamisii pytańniami navuki i viedaŭ.
Pa danych Instytuta daśledavańnia akuł, za apošnija 10 hadoŭ u Čyrvonym mory paćvierdžany čatyry śmierci z-za napadu akuł. Apošni vypadak zdaryŭsia ŭ červieni 2023 hoda pablizu Churhady, tady zahinuŭ 24-hadovy rasijanin, piša BBC.