Va ŭsich VNU z vajskovymi fakultetami i kafiedrami buduć rychtavać apierataraŭ dronaŭ
30 śniežnia na adkryćci śpieckłasa na vajskovym fakultecie Biełaruskaha dziaržaŭnaha ŭniviersiteta infarmatyki i radyjoelektroniki (BDUIR) načalnik upraŭleńnia prymianieńnia i raźvićcia bieśpiłotnych avijacyjnych kompleksaŭ Uzbrojenych sił RB Michaił Branski anansavaŭ stvareńnie śpiecyjalizavanych kłasaŭ padrychtoŭki apierataraŭ BPŁA na vajskovych fakultetach i kafiedrach usich VNU Biełarusi.
30.12.2024 / 20:07
Fota: Ministerstva abarony
Pavodle słoŭ Michaiła Branskaha, z dapamohaj śpieckłasaŭ budzie «zakrytaja patreba» US u apieratarach BPŁA. Taksama jon paviedamiŭ, što «ŭsie aficery zapasu buduć mieć kvalifikacyju apieratara bieśpiłotnaha latalnaha aparata».
Vykładčykaŭ dla hetaha ŭžo pačali rychtavać u 927-m centry padrychtoŭki i prymianieńnia bieśpiłotnych avijacyjnych kompleksaŭ, a taksama na vajskovym fakultecie ŭ Biełaruskaj dziaržaŭnaj akademii avijacyi.
Paviedamlajecca, što zaniatki ź pieršym naboram studentaŭ u BDUIR pačnucca 1 lutaha 2025 hoda. Da 1 vieraśnia płanujecca abstalavać jašče 16 śpieckłasaŭ u kožnaj navučalnaj ustanovie, dzie jość vajskovy fakultet abo kafiedra.
Na adkryćci śpieckłasa ŭ BDUIR prysutničali ministry abarony Viktar Chrenin i adukacyi Andrej Ivaniec.
U vieraśni 2025-ha ŭ Biełarusi projduć sumiesnyja vučeńni ADKB
U Hrodzienskaj vobłaści stvorać navučalny centr dla biełaruskich i rasijskich vajskoŭcaŭ
U Minabarony raskazali, jak atrymać dazvoł na palot bieśpiłotnika