U Rasii zajavili pra ŭdar pa naftapravodzie «Družba» ŭ Branskaj vobłaści
U Rasii 30 śniežnia zajavili pra ataku na naftapravod «Družba» ŭ pasiołku Mamaj, niedaloka ad horada Navazybkava Branskaj vobłaści, što niedaloka ad miažy ź Biełaruśsiu. Infarmacyju pra ataku i fatahrafiju nastupstvaŭ apublikavaŭ rasijski telehram-kanał Mash.
30.12.2024 / 22:00
Fota: Mash
Pavodle infarmacyi Mash, udar byŭ naniesieny pa pasiołku ŭ 4:30. Jak śćviardžaje krynica, u jakaści zbroi vykarystoŭvaŭsia reaktyŭny bieśpiłotnik «Piekła» ŭkrainskaj vytvorčaści.
«Trubapravod nie zakranuty — u vyniku ataki častkova razburany techničny budynak na terytoryi. Ludzi nie paciarpieli», — zajaviła rasijskaje vydańnie.
Udakładniajecca, što ŭčastak naftapravoda ŭ rajonie pasiołka Mamaj — heta apošni punkt prapampoŭki naftapraduktaŭ pierad miažoj. Dalej pa terytoryi Biełarusi nafta idzie ŭ tym liku ŭ krainy Jeŭropy.
Va Uzbrojenych siłach Ukrainy, a taksama aficyjnyja krynicy ŭ Kijevie hety incydent i svajo dačynieńnie da jaho pakul nijak nie kamientavali.
Situacyja z naftapravodam «Družba»: biełaruskija NPZ pracujuć na raniejšaj syravinie
Spyniłasia prapampoŭka nafty praz naftapravod «Družba»
Na terytoryi Polščy paškodžany naftapravod «Družba»
Vienhryja zajaviła, što damoviłasia pra tranzit rasijskaj nafty praź Biełaruś i Ukrainu
Kazachstan značna pavialičyŭ pastaŭki nafty ŭ Hiermaniju praź Biełaruś