Hardon zajaviŭ, što histaryčnaja sustreča Trampa i Pucina pa Ukrainie sarvałasia
Ukrainski žurnalist Dźmitryj Hardon śćviardžaŭ, što vierahodnaść sustrečy składaje 90-95%, ale rečaisnaść u jaje, jak ni dziŭna, nie ŭkłałasia.
30.12.2024 / 23:26
Dźmitryj Hardon. Skrynšot ź videa
29 śniežnia viadomy ŭkrainski žurnalist Dźmitryj Hardon u intervju zajaviŭ, što haračaja faza vajny va Ukrainie zavieršycca ŭžo zaŭtra, 30 śniežnia 2024 hoda.
«Siońnia ŭ nas 29 śniežnia 2024 hoda. Ja jašče raz paŭtaraju, haračaja faza vajny zavieršycca ŭ hetym hodzie. Mnie skažuć: «Ty zvarjacieŭ — da kanca hoda zastałosia ŭsiaho dva dni!». Nie, siabry, ja nie zvarjacieŭ. U mianie jość infarmacyja, i ja zaraz joju padzialusia», — skazaŭ Hardon.
Paśla taho jon patłumačyŭ, što paviedamili jahonyja krynicy:
«Zaŭtra, 30 śniežnia 2024 hoda, kali ŭsio składziecca dobra, a ŭsio pavinna skłaścisia dobra, pavinna adbycca histaryčnaja sustreča, jakaja zavieršyć haračuju fazu vajny. Čakać zastałosia niadoŭha. Zaŭtra, 30 śniežnia».
Nijakija aficyjnyja krynicy nie paćvierdzili prahnazavanaj Hardonam padziei, a pres-sakratar Pucina Dźmitryj Piaskoŭ zajaviŭ, što ničoha padobnaha nie płanujecca.
Ciapier ža i sam Hardon na samym zychodzie 30 śniežnia paviedamiŭ, što sustreča, maŭlaŭ, dakładna płanavałasia, ale sarvałasia pa vinie Pucina. Tamu zakančeńnia haračaj fazy vajny ŭ hetym hodzie nie budzie, a na dalejšuju pierśpiektyvu jon sprahnazavaŭ ci pieramovy, ci eskałacyju kanfliktu.
Piaskoŭ prakamientavaŭ paviedamleńni Hardona pra «histaryčnuju sustreču» 30 śniežnia
Hardon: Haračaja faza vajny zavieršycca ŭžo zaŭtra
Džo Bajden ličyć, što moh pieramahčy Donalda Trampa, kali b nie sastupiŭ miesca Charys