Ukraina pradała častku aryštavanaha na svajoj terytoryi biełaruskaha kaliju
Ukrainskaje Ahienctva pa vyšuku i mieniedžmiencie aktyvaŭ (AVMA) 30 śniežnia paviedamiła pra realizacyju častki aryštavanaj partyi chłarydu kaliju vytvorčaści AAT «Biełaruśkalij».
31.12.2024 / 00:00
Zdymak ilustracyjny. Fota: infotrans.by
«Z vystaŭlenych u listapadzie 2024 hoda na realizacyju 433 vahonaŭ chłarydu kaliju vytvorčaści AAT «Biełaruśkalij» ahulnaj vahoj 30 431 ton siońnia byŭ realizavany hruz, jaki znachodzicca ŭ 116 čyhunačnych vahonach ahulnaj vahoj 8 123 ton. Ahulnaja suma realizacyi skłała 87280296 hryŭniaŭ, u tym liku mytnyja płaciažy na sumu 33786156 hryŭniaŭ», — paviedamili ŭ AVMA.
Usie srodki ad realizacyi aryštavanych aktyvaŭ, jakija ŭ pieraliku składajuć kala 2 młn dalaraŭ, źbirajucca nakiravać «na ŭzmacnieńnie ekanomiki i abaranazdolnaści krainy».
Nazvali hałoŭnych pastaŭščykoŭ kaliju na kitajski rynak. Biełaruś druhaja, ale byvała i pieršaj
«Biełaruśkalij» choča spahnać ź Litvy šalonuju sumu kampiensacyi
Instytut Minekanomiki: Sankcyi prama zakranajuć čverć ekanomiki Biełarusi