Pradadzieny irancam Airbus viarnuŭsia ŭ Minsk praz techničnyja niepaładki
30 śniežnia ŭ 19:39 z Nacyjanalnaha aeraporta Minsk» uźlacieŭ adzin z troch Airbus A330-200, jakija apošnija paŭhoda znachodzilisia na zachoŭvańni ŭ Minsku.
31.12.2024 / 14:09
Ilustracyjnaje fota flightglobal.com
Pavodle Motolkohelp, hety samalot byŭ pradadzieny iranskaj avijakampanii Toos Airlines, i siońnia płanavałasia jaho adpraŭka novym uładalnikam u Iran. Samalot vylecieŭ ź Minska rejsam IRT2801.
IRT — heta ICAO-kod iranskaj avijakampanii Toos Airlines. Zaraz u ich parku niama nivodnaha samalota, tamu vierahodna, što realnym karystalnikam stanie adna ź viadučych iranskich avijakampanij, naprykład, Mahan Air, jak heta zdarałasia raniej.
Adnak praktyčna adrazu paśla ŭźlotu na borcie ŭźnikli techničnyja niepaładki. Pavodle danych Flightradar24, samalot źniziŭsia da 3000 mietraŭ, i nad Oršaj ekipaž pryniaŭ rašeńnie viarnucca ŭ Minsk. Pasadka adbyłasia ŭ 20:30.
Pakul aficyjnych kamientaroŭ adnosna pryčyny niepaładak i dalejšych płanaŭ na rejs niama.