Budźcie aściarožnyja! Kala navahodnich jalinak siońnia budzie śviet siłavikoŭ, mohuć praviarać i telefony
Milicyja pieraviedzienaja na ŭzmocnieny varyjant niasieńnia słužby. Uličvajcie heta, idučy hulać.
31.12.2024 / 16:47
AMAP na vulicach Minska. Ilustracyjnaje fota: Naša Niva
Z 31 śniežnia pa 8 studzienia asabovy skład orhanaŭ unutranych spraŭ i ŭnutranych vojskaŭ MUS pieraviedzieny na ŭzmocnieny varyjant niasieńnia słužby.
Kala ŭsich jalinak, kala vakzałaŭ i handlovych centraŭ dziažurać supracoŭniki milicyi. Častka ź ich moža być u cyvilnym.
Tradycyjna prachod da jalinak moža adbyvacca praz punkty propusku. Na ich mohuć nie tolki praviarać na vybuchoŭku, ale zaadno i pieratrasać asabistyja rečy, šukać biełaruskuju i ŭkrainskuju simvoliku, praviarać telefony. Uličvajcie heta, kali pojdziecie na śviatkavańni.
Ščylnaść naradaŭ na vulicach i ŭ dvarach taksama pavialičanaja i, nahadajem, šmat dzie za ludźmi sočać praź sistemy videanazirańnia.