U Łas-Viehasie kala viežy Trampa vybuchnuła Tesla Cybertruck
Adzin čałaviek zahinuŭ.
01.01.2025 / 21:48
Pyłajučaja Tesla Cybertruck. Skrynšot videa z sacsietki X
Kala viežy Donalda Trampa ŭ Łas-Viehasie, štat Nievada (ZŠA), uzarvałasia aŭto Tesla Cybertruck.
Vidavočcy paviedamili, što čuli «mahutny vybuch», piša The Mirror.
Na videa, źniatych miascovymi žycharami niepadalok ad 64-paviarchovaha kompleksu, paviedamlajecca, što palicyja i pažarnyja śpiašajucca na miesca zdareńnia. Na kadrach bačna, jak pobač z raskošnym kompleksam padymajecca ŭ pavietra dym.
Paźniej na videa było vidać, jak la dźviarej hatela zahareŭsia kibiertrak Tesla, a zatym spracavała pažarnaja sihnalizacyja.
Nieviadoma, što stała pryčynaj pažaru i jak atrymałasia, što aŭtamabil apynuŭsia pryparkavanym kala hatela.
Dapoŭniena. Pavodle papiaredniaj viersii, u mašynie było šmat fiejervierkaŭ. Adzin čałaviek zahinuŭ, inšy atrymaŭ vialikija apioki.