Kaladny bal dla ŭsich achvotnych projdzie ŭ Nacyjanalnaj biblijatecy ŭ subotu
4 studzienia ŭ adnym budynku abjadnajucca tancy, kłasičnaja muzyka, kaściumy i paezija, praniknionyja pieśni, teatralnyja eciudy, paviedamlaje telehram-kanał «Minsk hałoŭnaje».
02.01.2025 / 13:51
Mierapryjemstva pačniecca a 12:00. Pamiž balnymi adździaleńniami zapłanavana rabota biblijatečnych placovak. U zale dakumientaŭ pa mastactvie razhorniecca vystava repradukcyj i paštovak na zimovuju i kaladnuju tematyku z fondaŭ Nacyjanalnaj biblijateki.
U zale biełaruskaj litaratury pradstaviać padborku tvoraŭ pad ahulnaj nazvaj «Maroznyja ŭzory na staronkach knih».
Akramia hetaha, u prahramie — pakaz batleječnaha teatra, defile teatra mody, dekłamacyja vieršaŭ i vystupleńni śpievakoŭ.
Uvachod na ŭsie łakacyi volny, papiaredniaja rehistracyja nie patrabujecca. Zavieršycca śviata a 17:00.