Na ahitacyjnym płakacie Hajdukievič znoŭ pakazaŭ niešta nieprystojnaje
Kandydat u prezidenty Aleh Hajdukievič padrychtavaŭ proma dla svajoj pieradvybarčaj kampanii.
02.01.2025 / 16:18
Ulotka ad Hajdukieviča. Fota: telehram-kanał Hajdukieviča
Uvahu na siabie źviartajuć ulotki, jakija razdajuć ludziam. Na ich deputat i lidar Libieralna-demakratyčnaj partyi pakazvaje fihu, a pasiarod ściaha ES źziaje dzirka.
«Biełaruś nie addadzim! Amierykancam mirnaja Jeŭropa, jakaja raźvivajecca, nie patrebnaja. Jak nie patrebnaja spakojnaja i kvitniejučaja Biełaruś. Jany chočuć, kab my byli na kaleniach i daviedzienyja da halečy, jak Ukraina. Nie dačakajucca!» — napisana na ŭlotcy.
U Hajdukieviča jość i kłasičnyja płakaty, dzie jon paziruje sa składzienymi rukami. Palityk pravodzić pikiety, jakija ŭ biełaruskich realijach — imitacyja vybarčaj kampanii.
Płakaty ŭ padtrymku Hajdukieviča. Fota: telehram-kanał Hajdukieviča