Колькі ІП перайшлі ў юрасобы пасля змены закона
На пачатак 2024 года ў Беларусі было каля 252 тысяч індывідуальных прадпрымальнікаў.
02.01.2025 / 18:30
Пасля таго, як з 1 кастрычніка 2024-га скараціўся пералік відаў дзейнасці, даступных для ІП, частка прадпрымальнікаў стала пераходзіць у юрасобы. За тры месяцы фармат працы змянілі 1219 ІП.
Паводле звестак Міністэрства эканомікі, больш за ўсё такіх у Мінску — у камерцыйную арганізацыю перайшлі 382 ІП. Менш за ўсё (89) — у Гродзенскай вобласці.
Самыя частыя віды дзейнасці па пераходзе з ІП у юрыдычныя асобы:
- рознічны гандаль рознымі групамі тавараў (554 чалавекі);
- аўтамабільныя перавозкі (141);
- аптовы гандаль (117);
- здача ў арэнду нерухомасці (64);
- грамадскае харчаванне (40);
- дзейнасць у сферы адукацыі (35).