U Biełarusi zabaranili rasijskuju hrečku praz doŭhuju varku
Jana varycca 29 chvilin pry abiacanych 25.
03.01.2025 / 14:16
Papularnuju hračanuju krupu «Fiermier» zabaranili pradavać u Biełarusi. Jana trapiła ŭ śpis niebiaśpiečnaj pradukcyi.
Havorka idzie pra hrečku vytvorčaści TAA «Dary paloŭ» z Barnauła Ałtajskaha kraju.
Hrečka, jakuju pazicyjanujuć jak chutkarazvarnuju, nie prajšła pravierku. Vyniki vyprabavańniaŭ pakazali, što krupa varycca 29 chvilin, pry normie nie bolš za 25 chvilin.
U śniežni pa toj ža pryčynie zabaranili hrečku vytvorčaści TAA «Vieha-inžynirynh».