Novy rekord pajezdki na taksi — 228,66 rubla. Ale ŭsio stroha pa taryfie
Pasažyry zamovili pajezdku ŭ adnoj sa staličnych dyśpietčarskich słužbaŭ z punkta A ŭ punkt B i zapłacili za jaje 32 rubli. Praź niekatory čas jany vyrašyli viarnucca, ale taksi nie zamaŭlali, a «pabačyli na ŭzbočynie darohi», piša Onliner.by.
03.01.2025 / 14:48
Ilustracyjnaje fota
— Kiroŭca pahadziŭsia nas advieźci. Na majo pytańnie: «Kolki heta kaštuje?» jon adkazaŭ: «Pa taryfie», nie ŭdakładniŭšy pry hetym sam taryf dla jaho taksi. Ranicaj hety taryf skłaŭ 32 rubli za ŭsiu pajezdku, i my zhadzilisia.
Davioz jon nas da kramy… i apłatu jon zrabiŭ praz terminał. Ja znoŭ spytała pra košt, jon adkazaŭ: «Tam usio napisana».
Ja siadzieła zzadu, apłačvaŭ muž, kiroŭca taksi chutka źjechaŭ, a my pahladzieli na ček i vielmi ździvilisia! — pryvodzić słovy pasažyrki padatkovaja inśpiekcyja.
Akazałasia, što kančatkovy košt pajezdki skłaŭ 228,66 rubla, a taryf za 1 km — 7 rubloŭ. Na kiroŭcu była padadziena skarha, adnak, jak rastłumačyli ŭ inśpiekcyi Ministerstva pa padatkach i zborach pa Minsku, z punktu hledžańnia padatkovaha zakanadaŭstva pradprymalnik ničoha nie parušyŭ: ček pasažyru vydadzieny, a hrašovyja srodki ŭ poŭnym abjomie zarehistravany ŭ AIS i buduć uličany pry padatkaabkładańni.
Kali ŭ taksista ŭźniknuć prablemy?
Niadaŭna raskazvali, jak pajezdka ad čyhunačnaha vakzała ŭ Minsku da Ždanovičaŭ (heta kala 12—14 kiłamietraŭ) abyšłasia ŭ 105 rubloŭ. Padatkovaja inśpiekcyja vyśvietliła: kali pasažyry vychodzili z aŭtamabila, kiroŭca ŭžyvaŭ fejkavuju źnižku ŭ pamiery 90%, adlustroŭvajučy vyručku ŭ pamiery 10% ad faktyčna atrymanych najaŭnych. Tady ŭ IMPZ paviedamili, što «źnižki» na sumu kala 180 000 rubloŭ buduć pryznanyja schavanaj ad padatkaabkładańnia vyručkaj.
Jak abaranić siabie ad darahoj pajezdki?
Raniej Upraŭleńnie apieratyŭnych mierapryjemstvaŭ inśpiekcyi MPZ pa horadzie Minsku dała niekalki parad, jak paźbiehnuć padobnych situacyj:
- Kali ŭ svajakoŭ stałaha ŭzrostu abo małaletnich jość mahčymaść zamović dla ich taksi i apłacić pajezdku praz mabilny dadatak, rabicie tak u 100% vypadkaŭ;
- Kali vy zamaŭlajecie pajezdku niepasredna ŭ vadziciela, pierad pasadkaj u aŭtamabil abaviazkova ŭdakładnicie košt pajezdki da punktu pryznačeńnia. Kali čujecie adkazy: «Damovimsia», «Nie pakryŭdžu», admaŭlajciesia ad pajezdki. Kali vadziciel adkazvaje: «Košt pa taryfie», «Taksomietr pakaža», abaviazkova ŭdakładniajcie taryf za kiłamietr.
- Byvali vypadki, kali taryf za pajezdku składaŭ 5 rubloŭ za 1 km. — Kali vy nie ŭdakładnili taryf, košt pajezdki skłaŭ, naprykład, 100 rubloŭ za 10 km, a kiroŭca vydaŭ płaciežny dakumient, to ŭ hetaj situacyi pasažyru dapamoža tolki sud. I toje, kali vy zmožacie dakazać atrymańnie kiroŭcam nieabhruntavanaj vyhady, — adznačyli ŭ IMPZ.
82 rubli za taksi — i heta nie ŭ Minsku!
Minčanka za 17 chvilin u taksi addała 90 rubloŭ. Jak tak atrymałasia?