Raptoŭna pamior Aleś Siłkoŭ
Mahiloŭskamu aktyvistu było 55 hadoŭ.
03.01.2025 / 19:02
3 studzienia ŭ Mahilovie raptoŭna pajšoŭ z žyćcia 55-hadovy miascovy palityčny i hramadski aktyvist Aleś Siłkoŭ.
Infarmacyja pra heta źjaviłasia ŭ sacsietkach, jaje paćvierdziŭ «Pozirk».
Siłkoŭ u minułyja hady byŭ nacyjanalnym kaardynataram kampanii elektaralnaha nazirańnia «Prava vybaru», siabram rady na siońnia de-jure likvidavanaha ŭładami Ruchu «Za svabodu», u peŭny pieryjad — jaho mahiloŭskim abłasnym kaardynataram.
U horadzie jon byŭ kiraŭnikom i adnym z zasnavalnikaŭ inicyjatyvy «Hramadski mahistrat», jakaja ŭ hadavinu ŭručeńnia horadu mahdeburskaha prava ŭznaharodžvała asobu i inicyjatyvu hoda ŭ Mahilovie.
Jaho nieadnarazova zatrymlivali pa palityčnych matyvach.