56-hadovuju palitźniavolenuju z Pružanaŭ, u jakoj dačka siadzić, a ziać adsiedzieŭ, adpuścili na chatniuju chimiju
Taćcianu Vasiljevu pakarali za intervju «Biełsatu» ŭ 2021 hodzie.
04.01.2025 / 10:12
Dom pravasudździa ŭ Breście, dzie znachodzicca Brescki abłasny sud. Fota bgmedia.site
U kancy śniežnia 2024 hoda viarnułasia dadomu palitźniavolenaja z Pružanaŭ Taćciana Vasiljeva.
56-hadovuju žančynu zatrymlivali ŭ studzieni 2024 hoda padčas rejdu KDB za dapamohu palitviaźniam. Tady abmiežavalisia administratyŭkaj za «atrymańnie zamiežnaj biaspłatnaj dapamohi».
A ŭ žniŭni 2024 hoda da jaje pryjšli znoŭ. Vasiljevu aryštavali za intervju telekanału «Biełsat» u 2021 hodzie i adpravili ŭ brescki SIZA. Jaje paličyli vinavataj u «sadziejničańni ekstremisckaj dziejnaści» (č. 1 art. 361-4 Kryminalnaha kodeksu).
Praces nad Vasiljevaj adbyŭsia ŭ druhoj pałovie śniežnia 2024 hoda ŭ Bresckim abłasnym sudzie.
Sudździa Mikałaj Siańko pakaraŭ jaje 2 hadami chatniaj chimii i vyzvaliŭ u zale suda.
Dačku Vasiljevaj — palitźniavolenuju biblijatekarku Juliju Łaptanovič — utrymlivajuć za kratami bolš za 3 hady. Muž Julii, budaŭnik Ihar Łaptanovič, jakoha taksama asudzili pa palityčnaj spravie, atrymaŭ dva z pałovaj hady, całkam adbyŭ termin pakarańnia i vyjšaŭ na volu. U siamji Łaptanovičaŭ troje dziaciej.