Bujnoha pastaŭščyka aštrafavali za zavyšeńnie cenaŭ na ahurki
Ministerstva antymanapolnaha rehulavańnia i handlu aštrafavała aptovaha pastaŭščyka «Amieha Trejd», jaki pradavaŭ bujnym kramam ahurki pa zavyšanych cenach, paviedamili ŭ pres-słužbie MARH.
04.01.2025 / 11:15
Zdymak ilustracyjny. Fota: freepik.com
Pavodle danych ministerstva, kampanija ŭ žniŭni-vieraśni 2024 hoda pradavała śviežyja ahurki pa cenach, jakija pieravyšali dazvolenuju nacenku na 13-38%. Akramia hetaha, ź lutaha pa vierasień kampanija nie padavała zusim abo padavała niedakładnyja źviestki.
Zamiest faktyčnaj adpusknoj cany, pamienšanaj na pamier dadzienaj vytvorcam źnižki, u tavarasupravadžalnych dakumientach «Amieha Trejd» była paznačanaja adpusknaja cana vytvorcy biez uliku źnižki abo ź niapravilnaj źnižkaj. Taksama niapravilna paznačali abo zusim nie paznačali pamier aptovaj nadbaŭki.
U vyniku sud aštrafavaŭ kampaniju «Amieha Trejd» na sumu bolš za 21 tysiaču rubloŭ, a słužbovuju asobu kampanii — na 10 bazavych vieličyń.
Źnižki na ajčynnyja tavary buduć dziejničać da kanca studzienia
Ci mohuć nie puścić u kramu za 5 chvilin da zakryćcia i da jakoha času pavinny pracavać kasirki
Urad uvodzić licenzavańnie na vyvaz bulby