Užyć jadziernuju zbroju suprać Ukrainy nie dazvoliŭ Pucinu Kitaj — Blinkien

Złučanyja Štaty byli surjozna zaniepakojenyja pahrozami Uładzimira Pucina vykarystoŭvać jadziernuju zbroju ŭ vajnie suprać Ukrainy. Pra heta zajaviŭ dziaržsakratar ZŠA Entani Blinkien u intervju Financial Times. Ale heta pytańnie było nibyta adnym z tych niamnohich, dzie amierykanskija intaresy całkam supali z kitajskimi.

04.01.2025 / 15:05

Uładzimir Pucin i kitajski lidar Si Czińpin padčas sustrečy ŭ Piekinie 16 maja 2024 hoda. Fota: Sergei Bobylev, Sputnik, Kremlin Pool Photo via AP

Pavodle słoŭ Entani Blinkiena, amierykanskaja administracyja ličyła, što Pucin sapraŭdy moh dapuskać takuju mahčymaść.

«Navat kali vierahodnaść pavialičvajecca z 5 da 15 pracentaŭ, kali havorka idzie pra jadziernuju zbroju, heta vielmi surjozna», — padkreśliŭ Blinkien.

Adnym ź niamnohich pytańniaŭ, dzie Kitaj, vierahodna, akazaŭ sadziejničańnie ZŠA, stała praduchileńnie prymianieńnia jadziernaj zbroi Rasijaj, adznačyŭ kiraŭnik Dziarždepartamienta ZŠA. U Vašynhtona «jość padstavy mierkavać», što ŭłady KNR vyjšli na kantakt z rasijskim kiraŭnictvam i pieraścierahli Maskvu ad takich krokaŭ, rastłumačyŭ jon.

Pavodle danych Blinkiena, heta mahło adbycca paśla taho, jak ZŠA padzialilisia z Kitajem infarmacyjaj pra płany Rasii adnosna raźmiaščeńnia jadziernaj zbroi ŭ kosmasie.

U razmovie z vydańniem Entani Blinkien taksama zajaviŭ, što Uładzimir Pucin paciarpieŭ «stratehičnuju parazu» ŭ vajnie z Ukrainaj. NATA siońnia vałodaje bolšymi resursami, čym kali-niebudź raniej, adznačyŭ dziaržsakratar. Akramia taho, jon nahadaŭ, što sajuźniki ZŠA dali Ukrainie dapamohu na sumu 150 miljardaŭ dalaraŭ, u dadatak da 100 miljardaŭ, vyłučanych samim Vašynhtonam.

Zapazyčanaść Kitaja rezka pieravysiła zapazyčanaść ZŠA

Si Czińpin u navahodniaj pramovie pahražaŭ Tajvaniu

Kitaj pravioŭ najbujniejšyja za apošnija dziesiacihodździ vajennyja vučeńni vakoł Tajvania

Kitaj uchvaliŭ budaŭnictva ŭ Tybiecie najbujniejšaj u śviecie HES. Ekołahi, Indyja i tybietcy vystupajuć suprać

Rasija nie moža rabić «Arešnik» biez zachodnich technałohij

Nashaniva.com