Pojdzie ŭ adstaŭku kancler Aŭstryi
Fiederalny kancler Aŭstryi Karł Niechamier zajaviŭ, što pakinie pasady kanclera i staršyni Aŭstryjskaj narodnaj partyi (ANP) paśla taho, jak pravalilisia pieramovy ab farmavańni kaalicyjnaha ŭrada. Palityk napisaŭ pra heta ŭ sacsietcy X, piša Bi-bi-si.
05.01.2025 / 08:57
Karł Niechamier. Fota: AP Photo/Heinz-Peter Bader
Na hetym tydni Libieralnaja partyja NEOS vyjšła ź pieramovaŭ z Aŭstryjskaj narodnaj partyjaj i Sacyjał-demakratyčnaj partyjaj Aŭstryi. A Niechamier u subotu zajaviŭ pra spynieńnie pieramoŭ z sacyjał-demakratami, patłumačyŭšy heta niazhodaj pa šerahu klučavych pytańniaŭ.
Na parłamienckich vybarach u vieraśni minułaha hoda pieršaje miesca zaniała pravaja Aŭstryjskaja partyja svabody (APS) z vynikam u 29,2%, ale atrymanych joj miescaŭ u parłamiencie nie chapiła dla samastojnaha farmavańnia ŭrada. Inšyja partyi admovilisia ŭstupać ź joj u kaalicyju.
Partyja Niechamiera ANP zaniała na tych vybarach druhoje miesca, sacyjał-demakraty — treciaje.
Karł Niechamier zajmaje pasadu premjer-ministra Aŭstryi z 6 śniežnia 2021 hoda.
Frydman: Epocha libieralnaj demakratyi zaviaršajecca
Pierad druhim turam u Rumynii całkam admianili vybary. Prezidenckaja kampanija pačniecca nanoŭ
Prezident Hiermanii abviaściŭ pra rospusk bundestahu
Aŭstryjski kancler choča, kab rasijska-ŭkrainskija mirnyja pieramovy prajšli ŭ jaho krainie