Плынь турыстаў з Беларусі ў Тайланд павялічылася больш чым удвая

У 2024 годзе ў Тайландзе адпачылі больш за 20,6 тыс. турыстаў з Беларусі. У папярэднім годзе такіх было звыш 9 тыс. чалавек, то-бок адбыўся рост больш чым у два разы, паведамляе Рэспубліканскі саюз туріндустрыі са спасылкай на расійскую асацыяцыю тураператараў.

05.01.2025 / 09:05

Здымак ілюстрацыйны. Фота: freepik.com

Прычына такога моцнага росту турыстычнай плыні з Беларусі ў Тайланд у тым ліку ў спрашчэнні візавага рэжыму. З 15 ліпеня 2024 года беларусы могуць афармляць візу па прыбыцці ў аэрапорт Тайланда.

Для гэтага патрэбныя запоўненая анкета, фатаграфія, пацвярджэнне пражывання і зваротнага квітка. Таксама важна, каб на чалавека было ад 10 тыс. бат (каля 1 тыс. беларускіх рублёў), наяўнасць гэтай сумы трэба даказаць.

Пры гэтым прамых авіязносін у Беларусі з Тайландам пакуль няма. Як правіла, беларусы лётаюць туды праз Маскву.

З новага года па-новаму будуць пускаць у Тайланд

Што вядома пра стан беларускі, якая звалілася з чацвёртага паверха на Пхукеце

Кім аказаўся той беларус, што ў адных трусах напаў на паліцэйскіх на Пхукеце і раскідаў іх

Куды небяспечна ехаць беларусам, якіх на радзіме пераследуюць за палітыку КАРТЫ

Nashaniva.com