U biełaruskich škołach pačnuć vyvučać aerobiku
U Biełarusi zaćvierdzili vučebnuju prahramu fakultatyŭnych zaniatkaŭ «Aerobika spartyŭnaja» dla navučencaŭ 2-9 kłasaŭ. Heta zamacavana pastanovaj Ministerstva adukacyi ad 18 kastryčnika 2024 hoda №128, apublikavanaj na Nacyjanalnym pravavym internet-partale.
05.01.2025 / 10:41
Zdymak ilustracyjny. Fota: nchtdm.by
Prahrama praduhledžvaje 68 vučebnych hadzin dla 2-ha i 9-ha kłasaŭ i 70 hadzin dla 3-8-ch kłasaŭ z častatoj dva zaniatki na tydzień.
U źmiest kursa ŭklučanyja elemienty spartyŭnaj aerobiki, himnastyki (spartyŭnaj i mastackaj), chareahrafii (kłasičnaj i narodnaj), akrabatyki, a taksama praktykavańni dla ahulnaj i śpiecyjalnaj fizičnaj padrychtoŭki.
Školniki zasvojać bazavyja ruchi kłasičnaha, narodnaha i sučasnaha tanca, akrabatyčnyja elemienty i ich kambinacyi, a taksama praktykavańni sa spartyŭnaj aerobiki. Siarod elemientaŭ kłasičnaha tanca praduhledžanyja demi-plije, batmany i chareahrafičnyja skački.
Akrabatyčnaja častka ŭklučaje kuvyrki, špahaty, «mastki», pierakaty, «biarozku», «koły» i stojki na rukach dy hałavie.
Pastanova ŭstupaje ŭ siłu z momantu aficyjnaha apublikavańnia.
U škołach źjavicca fakultatyŭ «Ja i maja kraina ŭ hłabalnaj kampjutarnaj sietcy Internet»
Dla školnikaŭ zrobiać fakultatyŭ pa vyvučeńni internetu
U biełaruskich škołach źjaviŭsia fakultatyŭ dla junych karespandentaŭ
Biełaruskich staršakłaśnikaŭ navučać pravodzić dopyty