U Kitai adznačajecca novaja ŭspyška reśpiratornaha virusa
Jak vynikaje z zajavy Tajvańskaha centra pa kantroli za chvarobami, havorka idzie pra hMPV — novy mietapnieŭmavirus čałavieka. Upieršyniu jon byŭ vyjaŭleny ŭ 2001 hodzie, raspaŭsiudžvajecca i siarod dziaciej, a jahonyja simptomy padobnyja da zvyčajnych prastudy i hrypu.
05.01.2025 / 13:05
Zdymak ilustracyjny. Fota: AP
Jak praviła, zachvorvańnie pry zaražeńni hetym virusam prachodzić u lohkaj formie, ale ŭ ludziej z sasłablenaj imunnaj sistemaj na jaho fonie moža raźvicca pnieŭmanija.
Siarod simptomaŭ virusa vyłučajucca aznob, kašal, bol u horle, słabaść i hałavakružeńnie.
U Kitai ŭspyšku mienavita mietapnieŭmavirusa nie paćvierdzili, zajaviŭšy, što zimovy čas zvyčajna źjaŭlajecca pikam dla reśpiratornych infiekcyj. U Tajvani ž zaklikali znoŭ viarnucca da našeńnia masak i dadali, što ciapier situacyja kantralavanaja.
U niekatorych pravincyjach Kitaja, pavodle nieaficyjnych źviestak, užo ŭviedzienyja karancinnyja i abmiežavalnyja miery.
Pavodle danych vydańnia Daily Star, vypadki padobnaha zachvorvańnia ŭžo fiksavalisia i ŭ Jeŭropie, u pryvatnaści, Vialikabrytanii.
Chvarobu Alchiejmiera źviazali ź virusam hierpiesu, jaki jość u bolšaści ludziej
Łukašenka skazaŭ, što niekalki razoŭ naviedvaŭ reanimacyi padčas pieršych chvalaŭ kavidu