Za sutki padčas pažaraŭ zahinuli 6 čałaviek
4 studzienia ŭ Biełarusi adbyłosia 30 pažaraŭ. Jak paviedamlaje Ministerstva pa nadzvyčajnych situacyjach, ad ahniu zahinuli šeść čałaviek, jašče adzin atrymaŭ surjoznyja apioki.
05.01.2025 / 14:07
Zdymak ilustracyjny. Fota: freepik.com
U vioscy Biarozaŭka Kalinkavickaha rajona ad ahniu zahinuli dvoje mužčyn 1963 i 1982 hadoŭ naradžeńnia. Jašče adzin čałaviek byŭ špitalizavany.
61-hadovy mužčyna zahinuŭ u vyniku pažaru ŭ Pinsku. Jaho 56-hadovuju siastru ŭdałosia vyratavać, jana ŭ balnicy.
U Brasłavie na pažary ŭ kvatery adnapaviarchovaha žyłoha doma zahinuŭ mužčyna 1977 hoda naradžeńnia. Rabotnikami MNS vyratavanaja jaho 67-hadovaja maci, jakaja špitalizavanaja.
Žančyna 1942 hoda naradžeńnia zahinuła pry pažary ŭ žyłym domie ŭ vioscy Kałasoŭka Puchavickaha rajona Minskaj vobłaści.
U vioscy Dubnavičy Bresckaj vobłaści taksama zahareŭsia žyły dom — zahinuŭ mužčyna 1973 hoda naradžeńnia.
U noč z 4 na 5 studzienia kala hadziny nočy ŭ Minsku zaharełasia kvatera na siomym paviersie dzieviacipaviarchovaha žyłoha doma. Paciarpiełaha mužčynu 1971 hoda naradžeńnia ŭdałosia vyratavać. Jon špitalizavany z apiokami 1-4 stupieni (81% cieła). Pryčyna pažaru — nieaściarožnaść pry kureńni.
Akramia šaści zahinułych i adnaho paranienaha, u vyniku pažaraŭ 4 studzienia byli źniščanyja dva budynki i stolki ž adzinak techniki, paviedamili ŭ MNS.
Na pažary ŭ Łahojskim rajonie zahinuŭ mužčyna
U navahodniuju noč u Novaj Baravoj byŭ pažar — praź niaŭdała zapuščany salut
U navahodniuju noč u Biełarusi zahinuli na pažarach try čałavieki