Rasijanie ceły dzień atakujuć Chierson — paranienyja vosiem žycharoŭ horada
Z-za rasijskich atak na Chierson i pryharad 5 studzienia paranienyja vosiem čałaviek, paviedamlaje Chiersonskaja vajskovaja administracyja.
05.01.2025 / 18:00
U Chiersonie pad abstreł trapiŭ maršrutny aŭtobus, ludzi nie paciarpieli
Spačatku rasijanie skinuli vybuchoŭku z drona — dvoje mužčyn, 65 i 67 hadoŭ, dastaŭlenyja ŭ lakarniu ź minna-vybuchovymi traŭmami i askiepkavymi ranieńniami.
Paźniej praz abstreł paciarpieła 56-hadovaja žančyna. Jana špitalizavanaja z zakrytaj čerapna-mazhavoj traŭmaj.
Pad varožy abstreł u Dniaproŭskim rajonie prykładna ŭ 10:00 trapiŭ 49-hadovy chiersoniec.
U tym ža rajonie pad abstreł trapiŭ maršrutny aŭtobus, ludzi nie paciarpieli.
Akramia taho, traŭmy atrymali 84-hadovaja žančyna, 25-hadovy mužčyna (u momant ataki jon byŭ u aŭto), 53-hadovy mužčyna, jaki trapiŭ pad ataku bieśpiłotnika.
45-hadovy chiersoniec, jaki jechaŭ na matacykle, taksama byŭ atakavany z drona. Jon atrymaŭ zakrytuju čerapna-mazhavuju traŭmy, kantuziju, askołačnyja ranieńni.