Miedyki raskazali pra stan dziaciej, jakija paciarpieli ŭ DTZ u Astravieckim rajonie

Siońnia ŭ śmiarotnym DTZ traŭmy atrymali adrazu piaciora niepaŭnaletnich pasažyraŭ aŭto. Usie jany byli špitalizavanyja ŭ Astravieckuju centralnuju rajonnuju balnicu. Minzdaroŭja paviedamiła pra ich stan. 

05.01.2025 / 20:40

Va ŭsich pacyjentaŭ dyjahnastavany spałučanyja traŭmy. Čaćviora dziaciej špitalizavany ŭ reanimacyju, adzin — u traŭmatałahičnaje adździaleńnie, paviedamili ŭ Ministerstvie achovy zdaroŭja.

Dla dapamohi astravieckim miedykam u rajcentr vyjechali ekśpierty respublikanskaha ŭzroŭniu — chirurh, niejrachirurh, aniestezijołah-reanimatołah, traŭmatołah i abłasnyja śpiecyjalisty.

Siońnia kala 16 hadzin pablizu vioski Vierabji vadziciel aŭtamabila Volkswagen nie spraviłasia z kiravańniem, vyjechała na sustrečnuju pałasu i sutyknułasia ź inšym aŭto.

Jak piša SK, u Volkswagen znachodzilisia 7 čałaviek, 5 ź jakich — niepaŭnaletnija. U vyniku DTZ 36-hadovaja pasažyrka pamierła. Dzieci i kiroŭca druhoj mašyny byli špitalizavanyja.

Nashaniva.com