У Мінску мужчына праваліўся на Свіслачы пад лёд
Сёння ў 18:16 ратавальнікам паступіла паведамленне пра чалавека, які праваліўся пад лёд ракі Свіслач у раёне завулка Нававіленскага ў Мінску, паведамляе МНС.
05.01.2025 / 22:25
Скрын відэа
У 18:35 пры дапамозе выратавальнай дошкі работнікі МНС выцягнулі мужчыну і перадалі для агляду медыкам. Яго шпіталізавалі з дыягназам «агульнае пераахаладжэнне».
Выратаваны растлумачыў, што ён вырашыў скараціць шлях да дома праз раку, дзе і праваліўся пад лёд.
Таўшчыня лёду сёння складала 2 см.