Nielehalnych mihrantaŭ na miažy Litvy ź Biełaruśsiu nie fiksujuć užo 15 dzion
Na miažy Litvy ź Biełaruśsiu 15-yja sutki zapar nie było zafiksavana nielehalnych mihrantaŭ, paviedamiła 6 studzienia Słužba achovy dziaržaŭnaj miažy Litvy.
06.01.2025 / 11:24
Apošni raz mihrantaŭ razhortvali na miažy Litvy ź Biełaruśsiu 21 śniežnia.
Na miažy Łatvii ŭ niadzielu 5 studzienia taksama nie było zafiksavana sprobaŭ nielehalnaha pierasiačeńnia miažy. Polskija pamiežniki ŭ subotu raźviarnuli na miažy vosiem nielehalnych mihrantaŭ, usiaho za pieršyja dni novaha hoda — kala 70 čałaviek.
U 2024 hodzie litoŭskija pamiežniki nie dapuścili praniknieńnie ŭ Litvu ź Biełarusi 1002 nielehalnych mihrantaŭ.
Płyń mihrantaŭ u krainy Jeŭraźviaza ź Biełarusi pačaŭsia ŭ 2021 hodzie, u jaho arhanizacyi Zachad abvinavačvaje minski režym.
Za hety pieryjad litoŭskija pamiežniki razhortvali mihrantaŭ amal 23 tysiačy razoŭ, Polšča — 107 tysiač, Łatvija — 28 tysiač.