Čarha na biełaruska-polskaj miažy pieravaliła za 2500 aŭto
Učora ŭ čarzie na vyjezd ź Biełarusi było 1800 aŭto, a siońnia ŭ abied — 2300. Ale akazałasia, što i heta nie kraj.
07.01.2025 / 00:04
Ilustracyjny zdymak. Fota: terespol / Telegram
Na adzinym adkrytym pamiž Polščaj i Biełaruśsiu pasažyrskim punkcie propusku «Brest» pa stanie na 22 hadziny 6 studzienia ŭ čarzie było 2550 lehkavych aŭtamabilaŭ i 116 aŭtobusaŭ (danyja Pamiežnaha kamiteta).
Pavodle infarmacyi z pamiežnych čataŭ, u sutki hranicu prachodzić kala 350-400 mašyn. Z takim tempam ludziam, mahčyma, daviadziecca stajać u čarzie kala šaści sutak.
Čakańnie aŭtobusa na miažy dachodzić da paŭtara sutak.
Adna z asnoŭnych pryčyn takoha kałapsu ŭ tym, što Litva i Łatvija zabaranili ŭjezd mašyn na biełaruskich numarach. Polšča zastałasia adzinaj krainaj, dzie dazvoleny ŭjezd takich aŭto. Tamu paśla śviataŭ usie, chto na mašynie, viartajucca ŭ Jeŭropu praz punkt propusku «Brest».
Čarha na polskaj miažy bje rekordy — moža zaniać šeść sutak
Da 4-5 sutak u čarzie. Na vyjeździe ź Biełarusi ŭ Jeŭropu bieźlič aŭto