Samy małady futbalist u historyi zbornaj Biełarusi padpisaŭ kantrakt z partuhalskim hrandam
Kantrakt Trafima Mielničenki z «Portu» raźličany na try z pałovaj hady.
07.01.2025 / 08:50
Trafim Mielničenka. Fota FK «Dynama-Minsk».
Partuhalskija miedyja paviedamili pra toje, što 18-hadovy forvard minskaha «Dynama» i zbornaj Biełarusi Trafim Mielničenka padpisaŭ kantrakt z «Portu», adnym z samych tytułavanych kłubaŭ Partuhalii.
Kantrakt biełarusa raźličany da červienia 2028 hoda, spačatku jon budzie vystupać za druhuju kamandu partuhalskaha hranda.
Mielničenka źjaŭlajecca samym maładym hulcom u historyi zbornaj Biełarusi — jon zhulaŭ suprać Bałharyi va ŭzroście 17 hadoŭ i 353 dzion.
U minułym siezonie forvard pravioŭ za «Dynama» 20 matčaŭ u čempijanacie Biełarusi i zabiŭ 2 miačy.