«Šampuń-hiejt». Na spabornictvach pa skačkach na łyžach z tramplina zdaryŭsia seksiscki skandał
Pieramožca ŭ žanočaj kvalifikacyi atrymała hiel dla duša, šampuń i čatyry ručniki. Mužčyna za pieramohu atrymaŭ bolš za try tysiačy jeŭra.
07.01.2025 / 10:03
Sielina Frajtah. Photo by Dominik Berchtold/VOIGT/Getty Images
Čempijonka śvietu Sielina Frajtah pieramahła ŭ kvalifikacyi Kubka śvietu pa skačkach na łyžach z tramplina ŭ niamieckim Harmiš-Partenkirchienie. U padarunak jana atrymała sumku z hielem dla duša, šampuniem i čatyrma ručnikami.
Frajtah paskardziłasia, što pieramožca mužčynskaj kvalifikacyi atrymaŭ bolš za 3000 jeŭra. «Ja nie chaču šmat skardzicca, ale vy vyrazna bačycie adroźnieńni», — zajaviła Frajtah žurnalistam, jakija chutka nazvali skandał «šampuń-hiejtam» i paraŭnali jaho z vypadkam u 1989 hodzie. Tady žanočaj zbornaj FRH za pieramohu na čempijanacie Jeŭropy padaryli kavavy sierviz.
U Mižnarodnaj fiederacyi łyžnych vidaŭ sportu i snoŭborda zajavili, što viedajuć pra niaroŭnaść i chočuć jaje pazbavicca.