Biełaruś naraściła vajskovuju prysutnaść na ŭkrainskaj miažy
Biełaruś pavialičyła vajskovuju prysutnaść u pryhraniččy z Ukrainaj. Padraździaleńni Suchaputnych vojskaŭ Uzbrojenych sił byli pierakinutyja ŭ Stolinski, Lelčycki, Mazyrski i Homielski rajony, paviedamlaje Biełaruski Hajun.
08.01.2025 / 08:02
Pa najaŭnaj infarmacyi, va ŭkrainskaje pamiežža byli pierakinutyja nastupnyja padraździaleńni:
11-ja miechanizavanaja bryhada (v/č 33933, Słonim): asobny miechanizavany bataljon, 841-ja hrupa artyleryi (asobnyja padraździaleńni), raźviedvalny bataljon (asobnyja padraździaleńni), zienitny rakietna-artyleryjski dyvizijon (asobnyja padraździaleńni). Padraździaleńni bryhady raskvataravanyja ŭ Stolinskim rajonie (Bresckaja vobłaść) i Lelčyckim rajonie (Homielskaja vobłaść).
147-y zienitny rakietny połk (v/č 96869, Babrujsk): batareja ZRK «Asa-AKM» (miesca dysłakacyi nieviadomaje).
120-ja miechanizavanaja bryhada (v/č 04147, Minsk): 358-y asobny miechanizavany bataljon, 310-ja hrupa artyleryi (asobnyja padraździaleńni), raźviedvalny bataljon (asobnyja padraździaleńni), zienitny rakietna-artyleryjski dyvizijon (asobnyja padraździaleńni). Padraździaleńni bryhady raskvataravanyja ŭ vakolicach aeradromaŭ «Ziabraŭka» (Homielski rajon) i «Bokaŭ» («Mazyr») (Mazyrski rajon).
Dakładny čas pierakidki padraździaleńniaŭ Uzbrojenych sił nieviadomy. Miarkujecca, što heta adbyłosia ŭ druhoj pałovie śniežnia 2024 hoda.