Łukašenka rasparadziŭsia pravieści sioleta dva respublikanskija subotniki
Alaksandr Łukašenka padpisaŭ ukaz № 1, jakim 2025 hod abvieščany «Hodam uparadkavańnia», paviedamlaje jahonaja pres-słužba.
09.01.2025 / 18:58
Fota ilustracyjnaje
Ukazam anansavanyja «maštabnyja miery, u tym liku pa naviadzieńni paradku na ziamli, uparadkavańni nasielenych punktaŭ, vytvorčych abjektaŭ, padtrymańni ŭ naležnym stanie terytoryj uzdoŭž aŭtamabilnych daroh i čyhunak».
Uradu daručana ŭ miesiačny termin zaćvierdzić respublikanski płan mierapryjemstvaŭ «Hoda ŭparadkavańnia».
Viadoma, što ŭ 2025 hodzie adbudziecca «nie mienš za dva respublikanskija subotniki», choć tradycyjna ŭ Biełarusi prachodzić tolki adzin — viasnoj.
Ukaz praduhledžvaje taksama «aktyvizacyju vałanciorskaha ruchu i realizacyju hramadzianskich inicyjatyŭ, nakiravanych na ŭparadkavańnie krainy».
U Łošyckim parku źjaviacca kaviarni, restarany i mini-hateli
Łukašenka ŭ navahodnim zvarocie: «Źmiena pakaleńniaŭ zavieršycca ŭ nastupnyja hady»