ZŠA paabiacali šmat hrošaj za aryšt Nikałasa Madura
ZŠA abjavili, što zapłaciać 25 młn dalaraŭ za infarmacyju, jakaja dazvolić im aryštavać prezidenta Vieniesueły Nikałasa Madura. Hetaje rašeńnie, jak i novy sankcyjny pakiet u dačynieńni da vieniesuelskaha lidara, było abvieščana ŭ dzień, kali Madura treci raz pryniaŭ prezidenckuju prysiahu, piša Bi-bi-si.
11.01.2025 / 00:00
Nikałas Madura padčas inaŭhuracyi 10 studzienia 2025 hoda. Fota: AP Photo/Cristian Hernandez
Amerykanskija ŭłady abvinavačvajuć Madura ŭ datyčnaści da kantrabandy narkotykaŭ. Raniej jany ŭžo abviaščali ŭznaharodu za źviestki, jakija dazvalajuć jaho aryštavać, adnak jaje suma składała «tolki» 15 młn dalaraŭ.
ZŠA, krainy Jeŭrasajuza i mnohija inšyja dziaržavy nie pryznajuć Madura zakonnym pieramožcam vybaraŭ i ličać prezidentam krainy lidara apazicyi Edmunda Hansalesa. Jany pierakananyja, što Madura falsifikavaŭ na svaju karyść vyniki hałasavańnia, jakoje adbyłosia ŭ lipieni. Adnak Kitaj i Rasija praciahvajuć padtrymlivać Madura, jaki padčas svajoj inaŭhuracyi paabiacaŭ, što jahony nastupny termin stanie «časam miru».
Ułady Vieniesueły zatrymali lidarku apazicyi pierad inaŭhuracyjaj Madury. Jaje źbili matacykłam
U Vieniesuele vykrali ziacia apazicyjnaha kandydata ŭ prezidenty
Madura zajaviŭ pra zatrymańnie siami zamiežnikaŭ, u tym liku troch «najomnikaŭ z vajny va Ukrainie»