U Minsku źjaviłasia vulica maršała Bahramiana
Pra jaje źjaŭleńnie ŭ Alaksandra Łukašenki paprasili ŭ vieraśni 2024 hoda.
11.01.2025 / 10:34
Ivan Bahramian. Fota: Wikimedia Commons
Minski haradski Saviet deputataŭ vyrašyŭ dać imia Ivana Bahramiana prajektujemaj vulicy №8 u kompleksie «Paŭnočny bierah».
Maršał Bahramian padčas apieracyi «Bahracijon» kamandavaŭ 1-m Prybałtyjskim frontam, jaki dziejničaŭ na poŭnačy Biełarusi. U Viciebsku i Połacku jość vulicy, nazvanyja ŭ jaho honar.
Ideju dać vulicu ŭ Minsku imia Bahramiana ahučyli ŭ vieraśni 2024 hoda. Pra heta Łukašenku paprasiŭ kiraŭnik Minskaha haradskoha armianskaha kulturna-aśvietnickaha tavarystva «Ajastan» Hieorhij Jehiazaran.
«Što tyčycca vialikaha Bahramiana, nam treba razhledzieć hetaje pytańnie najbližejšym časam. Heta vialiki čałaviek dla nas. Dla biełarusaŭ — dakładna», — adkazaŭ jamu Łukašenka.
Paŭnočny bierah (vyłučany čyrvonym) budzie znachodzicca kala Navinak